Tilskot til freda middelalderhus i privat eige – frå før 1537
Målet med tilskot til ikke religiøse (profane) mellomalderbygningar er å få bygningane opp på eit normalt vedlikehaldsnivå samstundes med at bygningane sin kjeldeverdi vert bevart. Dette er noko av dei eldste trebygningane i verda. Materiell autentisitet blir derfor sterkt vektlagt. Tilskota blir gitt frå statsbudsjettet for 2023, kapittel 1429 post 73.
Søknadsfrist
1. november
Private eigarar av freda bygningar frå før 1537 kan søke om tilskot frå denne posten. Også andre eigarar av freda bygningar frå før 1537 kan i særlege tilfelle søke om tilskot.
- Istandsetting, sikring og tyngre vedlikehald som fører til eit normalt vedlikehaldsnivå
- Konservering av fast inventar
- Tiltak som bidrar til dokumentasjon, kunnskapsutvikling og forsking på mellomalderbygningar
Støtteordninga opnar for nye søknadar 20. september, 6 veker før søknadsfristen 1. november. Når ordninga er open kan du søke støtte via Regionalforvaltning, sjå lenke under. Her kan du òg følge med på saksbehandlinga.
For å få behandla søknaden din må du bruke søknadsskjema i Regionalforvaltning.
Søknaden skal sendes elektronisk via Regionalforvaltning og innehalde:
- skildring og foto av kulturminnet (oversiktsbilete og detaljbilete)
- tilstandsvurdering og skildring av det planlagde tiltaket
- spesifisert plan for arbeidet frå handverkar og/eller rådgivarar
- spesifisert kostnadsoverslag frå restaureringskyndig handverkar og/eller rådgivarar
- finansieringsplan
Saksbehandlingstid er inntil fire veker, frå første kvardag etter søknadsfrist.
Alle tiltak skal skje i samsvar med fredingsvedtaket sine føresegner, samt antikvariske retningslinjer for istandsetting, materialbruk og liknande. Sjå også rettleiar nedst på sida.
Utførande handverkar skal oppgi formell kompetanse og referanseprosjekt med kontaktinformasjon. Handverkarane skal ha fagskulepoeng eller studiepoeng innan praktisk bygningsvern, eller kunne dokumentere tilsvarande vedlikehaldskompetanse. Generelt skal det stillast krav til at handverkarane tidlegare har teke del i minst tre prosjekt med tilsvarande arbeidsoppgåver. Sentrale fagpersonar og byggjeplassleiar i utførande firma må kunne norsk for å kunne diskutere kvaliteten ved utføringa av arbeidet. Møre og Romsdal fylkeskommune har moglegheit til å godkjenne utførande handverkar på kulturminne det blir gitt tilskot til.
Som hovudregel skal tilskotet ikkje overstige 50-70 prosent av budsjettet. Unntak frå dette må vurderast i lys av formålet med tiltaket, kulturminnet sin verdi, eigaren si nytte og om det ligg føre urimeleg stort vedlikehaldsansvar.
Vedtak om tilskot frå Møre og Romsdal fylkeskommune er ikkje enkeltvedtak etter forvaltningslova. Det betyr at det ikkje er klagerett på dette vedtaket etter reglane i lova.
Det er eit krav at mottatt støtte frå Møre og Romsdal fylkeskommune skal synleggjerast i program, informasjonsdokument, rapportar og liknande.
Det skal òg komme fram i årsmelding og eigen post i rekneskapen at det er mottatt tilskot frå Møre og Romsdal fylkeskommune.